Pantallona ADVANCE X-TREEm

STIHL vendos standarde të reja me pantallonat STIHL ADVANCE X-TREEm, të cilat ofrojnë ajrosje dhe rehati të jashtëzakonshme. Këto pantallona mbrojtëse për punë pyjore janë veçanërisht të përshtatshme për ngjitje dhe punë profesionale në pylltari në kushte ekstreme. Materiali ProElast për pjesët elastike, i zhvilluar ekskluzivisht për STIHL, ofron liri të madhe lëvizjeje dhe redukton lodhjen.

Pantallonat STIHL ADVANCE X-TREEm ofrohen me prerje të ngushtë. Falë përqindjes së lartë të materialit shumë elastik ProElast, ato ndjekin çdo lëvizje dhe përshtaten mirë me forma të ndryshme trupore, ndaj janë njësoj të përshtatshme për gra dhe burra. Materiali veçanërisht i lehtë AVERTIC™ pro lite për mbrojtje nga prerjet, i zhvilluar ekskluzivisht për STIHL, lejon ajrosjen dhe thahet shpejt. Së bashku me astarin e butë prej mikrofibre, ai siguron një mikroklimë të këndshme edhe gjatë aktivitetit fizik intensiv. Për ajrosje shtesë, për shembull në temperatura të larta, mund të përdoren hapjet e ventilimit që rregullohen me zinxhir.

Pjesët elastike me veshje qeramike në gjunjë dhe mbrojtja nga gjembat në pjesën e poshtme të këmbëve e ruajnë materialin nga konsumimi dhe grisja. Gamashet me ajrosje të lartë lidhen në mënyrë të rehatshme me këpucët dhe i mbrojnë këmbët nga rriqrat. Sendet me vlerë mund t’i ruash në katër xhepat e sheshtë me zinxhir. Dhëmbët e zinxhirit janë të fshehur në pjesën e brendshme, ndërsa veshja e tij parandalon bllokimin nga rrëshira.

Elementet reflektuese dhe pjesët në ngjyrë portokalli me dukshmëri të lartë sigurojnë shikueshmëri më të mirë. Rripat mbajtës që fiksohen në sythe përfshihen në paketim. Rekomandohet kombinimi i pantallonave STIHL ADVANCE X-TREEm me xhaketën STIHL ADVANCE X-TREEm. Ky komplet është përshtatur me kërkesat specifike të arboristëve dhe avantazhet e tij shfaqen më së miri kur pantallonat dhe xhaketa vishen së bashku.

Pantallonat STIHL ADVANCE X-TREEm mund të lahen në lavatriçe në 60 °C.

Informacione të mëtejshme:

• Përbërja e materialit të jashtëm: 80% poliester, 15% poliamid, 4% elastan, 1% qeramikë
• Përbërja e astarit: 66% polipropilen, 34% poliester
• Ngjyra e disponueshme: dyngjyrëshe, e zezë/portokalli me dukshmëri të lartë
• Madhësitë e disponueshme: XS–3XL
• Pesha në madhësinë M: 1,3 kg
• Klasa e mbrojtjes nga prerjet: 1, dizajni A (EN 381 ose EN ISO 11393)

Më shumë informacione për madhësitë mund të gjenden në udhëzuesin tonë të madhësive. Për përshtatjen e pantallonave STIHL ADVANCE X-TREEm, kontakto një shitës të specializuar STIHL.

Pantallonat STIHL ADVANCE X-TREEm kanë marrë shenjën e cilësisë KWF Profi nga Kuratorium für Waldarbeit und Forsttechnik e.V.